Puosoku CD vysom Dagdys nūvoda školom
Latgolys Producentu grupa duovynoj vysom Dagdys nūvoda pyrmsškolys īstuodem i školom pa vīnam latgalīšu puosoku diskam audioīrokstā.
Duovona leidz adresatim nūnuoks ar Dagdys nūvoda Izgleiteibys, kulturys i sporta nūdalis starpnīceibu.
Informacejai: Pyrmais audio īroksts / CD “Latgalīšu puosokys i puorsokys”, kurā īkļautys latgalīšu tautys puorsokys, ir izdūts ar Vaļsts Kulturkapitala fonda i bīdreibys “Latgolys Producentu Grupa” atbolstu. Materiala īrokstā pīsadalejuši Latgolā i Latvejā vairuok ci mozuok pazeistami kulturys aktivisti.
Diskā īraksteita 31 puorsoka i tuos īrunuojuši – muziki, rakstnīki, dzejnīki, artisti i cyti kulturys i sabīdriskī aktivisti (Aigars Runčis, Artūrs Uškāns, Gunārs Igaunis, Guntra Kuzmina, Alvis Bernāns, Juris Vucāns, Ilmārs Dreļs, Valentīns Lukaševičs, Oskars Orlovs, Līga Rundāne, Kristaps Rasims, Andris Rudzinskis, Juris Viļums). Īraksteituos puorsokys vairuoku godu garumā, teikūtīs ar teiciejim vysaiduos Latgolys vītuos, savuokuse kulturys darbineica i tradicionaluos kulturys tradiceju turātuoja Iveta Dukaļska.
“Latgalīšu puosokys i puorsokys” izdevuse bīdreiba “Latgolys Producentu Grupa”. Īroksta mierkis ir padareit pīejamuoku itū latgalīšu mutvuordu folklorys dali ikvīnam i tū aktualizēt vysā regionā.
“Peiksti voi napeiksti, ak muote sacē, ka juosaklausa, ta juosaklausa irā!” tai nadaudz puorfrazejūt vīnu nu puorsokom var sacēt par izdūtū disku. Juosaklausa, kab sajustu latgalīšu izlūkšņu boguoteibu, nūvoda eipatneibys i latgalīšu dzeivis gudreibu”, atzeist īroksta izdevieji.
Audio īrokstu var īsaguoduot sovā eipašumā kotrs interesnts interneta veikalā madeinlatgola.lv
Vaira informacejis:
Bīdreiba “Latgolys Producentu Grupa”
producenti@inbox.lv
Tel.: 29492864